பிரபல ஆன்லைன் வர்த்தக நிறுவனமான அமேசான் இந்தியாவில் டிக்கெட் முன்பதிவு செய்யும் வசதியை அறிமுகம் செய்துள்ளது.
இந்தியாவில் ரயில் டிக்கெட்டுகளை முன்பதிவு செய்யும் வசதியை ஐ.ஆர்.சி.டி.சி நிர்வகித்து வருகிறது. இதற்கான பிரத்யேக செயலியும் உள்ளன. இந்நிலையில் இவ்வமைப்புடன் அமேசான் நிறுவனமும் இணைந்துள்ளது. இதன்மூலம் இனி அமேசான் தளங்களின் வழியாகவும் டிக்கெட் முன்பதிவு செய்யலாம்.
முதற்கட்டமாக அமேசான் ஆண்ட்ராய்டு செயலியிலும், மொபைல் போனுக்காக அமேசான் இணையதளத்திலும் அறிமுகப்படுத்தப்பட்டுள்ளது. விரைவில் ஐபோன் இயங்குதளங்களிலும் இந்த சேவை பயன்பாட்டிற்கு வரும் என அந்த நிறுவனம் வெளியிட்ட அறிக்கையில் தெரிவிக்கப்பட்டுள்ளது.